മടി പിടിച്ച മരങ്ങളെ

കിക്കിളി കൂട്ടി കടന്നു പോകുന്നു-
ണ്ടൊരു കുളിര്‍ക്കാറ്റ്

പടര്‍ന്ന പച്ചപ്പില്‍
ഇല പൊഴിഞ്ഞൊരൊറ്റ മരം
ചിതലരിച്ച ചിന്തകള്‍

മനസ്സിലിറങ്ങിയ മഞ്ഞിന്

ഓര്‍മ്മകളുടെ മരണത്തിന്റെ

തണുപ്പ് 

ഊതിയണച്ചീടാം,

ദീപനാളമെന്നാല്‍ അണയുകി-

ല്ലതിന്‍ വെളിച്ചമുള്ളില്‍

മുഖമിരുളുന്നുണ്ട്,

ഇടിനാദമൊന്നുള്ളില്‍ കുറുകുന്നുണ്ട്, എന്നിട്ടും

പെയ്യുന്നില്ലീ കണ്ണീര്‍മേഘങ്ങള്‍